Bubusision kan Bureau of Internal Revenue an tax compliance kan mga kontratista na imbwelto sa mga flood control project Ini man an kasunod kan pagpapangaran ni Presidente Ferdinand Marcos Jr. sa mga construction company na nakakua nin big-ticket contracts.
Susog ki BIR Commissioner Romeo Lumagui, Jr., makikipag-koordinar an kagawaran sa iba pang ahensya kan gobyerno siring na sana kan Department of Public Works and Highways.
Sigun ki Lumagui, hihilingon an nasambitan ng tax compliance huli ta ini man an sakop o saklaw kan authority kan BIR magin man an paghiling sa nagin.tax compliance kan mga contractors mapadapit sa mga proyekto asin over-all, tax compliance kan mga ini. Sinabi ni Lumagui na magin an soboot ghost projects an dapat na mabusisi man.
Nakasubaybay sinda sa gabos nin ginigibong imbestigasyon asin man an paghagad ninda nin dokument dapit sa mga proyekto tangani mahiling man an kamugtakan kan nasambitan ng tax compliance kan mga contractors na ini.
Marurumdumang sa nakalihis na State of the Nation Address ni Presidente Ferdinand Marcos Jr., ipinag-sugo kaini an imbestigasyon sa flood control projects sa bilog na nasyon kasunod kan mahewasang pagbaha na na-eeksperyensyahan sa panahon nin Habagat.
Dae man naghaloy, kinwestyon kan Presidente kun tano 15 construction companies sana an nakakua kan nasa P100 bilyon o 20 percent kan haros 10,000 flood control projects magpuon bulan nin Hulyo 2022 hasta Mayo 2025.
Kan nakalihis na aldaw, Agosto 19 nagpuon na an Senate Blue Ribbon Committee kan pagdangog sa mga soboot anomalya sa flood control projects.
Sa kaparehong aldaw, pig amin kan Department of Public Works and Highways (DPWH) na igwang “ghost” flood control projects asin nag promisang iimbestigaran an mga ini.
