Aram baya nindo mga ka-bombo, sarong lalaki gikan sa England an nagpurbar na maipuli an Guinness World Record sa paagi kan paglunad sa 55 thrill rides sa laog nin sarong semana.
Katakod digde, pig-anunsyar ni Guinness World Records na si Dean Stokes, 36-anyos an igwang kapot kan titulo para sa pigmirar komo most roller coasters ridden sa laog nin sarong semana makalihis na malampasan an dati nang record na 30.
Sigun man ki Stokes, binatilyo pa sana ini kan saiyang marealisar na mawot kaini an pagmate mantang naglulunad sa manlaen-laen na klase kan roller coasters.
Mientrastanto, pinurbaran ni Stokes an saiyang pagpurbar kan Agosto 2 sa Brighton Palace Pier asin nagtapos makalihis an sarong semana sa Thorpe Park sa Surrey.
An orihinal soboot na plano an maglunad nin 60 roller coasters sa laog nin sarong semana alagad huli sa kamugtakan kan panahon kaya pigsarado an duwang theme parks.
Sigun ki Stokes an saiyang paboritong coaster kan pagpurbar an Icon sa Blackpool Pleasure Beach.
