Pig-anunsyar kan Civil Aviation Authority of the Philippines (CAAP) na mayo sindang namo-monitor na kanseladong flight ngunyan na aldaw
Ini an maski pa igwang naeekspersyensiyahan na makusog na uran asin duros na epekto kan Bagyong Isang asin pigbabantayan pang Low Pressure Area (LPA).
Sigun sa CAAP, padagos sindang nakabantay sa gabos kan mga palupadan na saindang pigmamanehar asin pig-alerto naman an gabos kan saindang personahe tanganing nag-alalay sa mga pasaherong maapektaran.
Pig-abisuhab man ninda an mga pasaherong igwang mga scheduled flight na magpasiring nin amay sa terminal tanganing dae magka-aberya sa saindang biyahe.
Apwera digde, pig-abisuhan man an mga pasahero na makipag-koordinar sa saindang airline company kun enkaso magkaigwa nin kanselasyon an pwedeng mag-request nin refund o rebooking kan saindang flight.
