Nakikipagtabangan na an Civil Aviation Authority of the Philippines (CAAP) sa mga awtoridad na nag-iimbestigar sa pagkasabat kan kargamento nin ilegal na droga sa Laos, kasunod kan pagkakadawit sa insidente nin sarong eroplano na naghagad nin permiso na makalayog sa Pilipinas
Segun sa CAAP, nakarehistro sa Estados Unidos an nasabing eroplano, siring man an lisensya kan duwang piloto na nakapangaran sa flight plan, na sakop kan US Federal Aviation Administration.
Kinumpirma man kan ahensya na nakaresibi ini kan Setyembre 24 nin aplikasyon para sa flight permit hale sa Aerosky Service Corp., para sa kumpanyang CGTAsia.
Mientras tanto, siniguro ni CAAP Director General Retired Raul Del Rosario na padagos nindang papakusugon an mga lakdang sa seguridad asin mahigot na ipapatupad an mga regulasyon sa aviation tanganing maprotektaran an himpapawid kan nasyon.
