Aram baya nindo mga ka-bombo, si Ethel Caterham, an pigmirar komo oldest living person asin pinakagurang na tawo sa Britain an nagselebrar kan saiyang ika-116 na kompleanyo sa Surrey, England.
Si Caterham an pigsirtipakan komo world’s oldest living person kan Guinness World Records asin LongeviQuest kan April 30, makalihis an pagkagadan ni Inah Canabarro Lucas sa edad na 116.
Susog sa report, an tugang ni Caterham na si Gladys Babilas, an nagadan sa edad na 104 years and 78 days kan 2002.
Si Catherman an igwang tolong makuapo gikan sa saiyang mga aki asin limang makuapo sa tuhod.
Marurumduman, kan hinapot si Caterham sa saiyang sekreto dapit sa halabang buhay, sinaysay kaini na magkaigwa sana nin positibong pag-iisip asin gibuhon an gabos nin igwang paghinay-hinay asin akuon an mga opurtunidad na naglalaog sa buhay.
