Pangengenotan ni Presidente Ferdinand Marcos Jr. an pagrumdom kan National Heroes Day sa Libingan ng mga Bayani sa Taguig City.
An tema kan selebrasyon ngunyan na taon an “Isang Diwa, Isang Lahi, Isang Bayanihan.”
Pigrurumdom an National Heroes Day tuyong huring Lunes kan Agosto tanganig rumdumon an sakripisyo kan mga nagbusol kan katalingkasan asin demokrasya kan Pilipinas.
An Presidente an karaniwang nangengenot sa mga seremonya, siring kan pag-alay nin burak sa Libingan ng mga Bayani kun saen nakalubong an kadakol na mga bayani asin soldados kan Pilipinas.
Sa mga nakalihis na mensahe, apwera sa mga bayaning nakipaglaban para sa demokrasya, pigbisto man kan Presidente an kontribusyon kan mga paraoma, guro, health workers asin obrero na nagpapauswag asin nagpapatatag kan nasyon.
