Pinaboran kan Commission on Human Rights (CHR) an plano kan Department of Tranportation (DOTr) na isapubliko an mga pangaran kan nagbalgar sa batas trapiko.
Sinaysay ni CHR Atty. Beda Epres, basta magsunod sa tamang proseo an DOTr, dae ini maikokonsiderar na pagbalgar sa karapatang pantao.
Nagkapira sa mga inihalimbawa kaini na due process an kun sinda an napatawan nin kapadusahan asin isinairarom sa hararumang imbestigasyon, dae ini maikokonsiderar na pagbalgar.
Alagad maikokonsiderar na pagbalgar sa karapatang pantao kun basta na sana papasupugon asin mayong isinagibong imbestigasyon.
Inabisuhan man kan CHR an DOTr na likayan an “trial by publicity” asin sulamenteng guilty violators sana an ilalathala asin bako an mga inosenteng drivers.
Marurumdumang plano ni Transportation Secretary Vince Dizon na magkaigwa nin ‘shame campaign’ kontra sa mga traffic violators na magkapirang utro ng nadakop.
