Pigbista ni Presidente Ferdinand Marcos Jr. sa Malacañang an mga miyembro kan U.S. Senate Armed Services Committee.
Kaibahan digde si U.S. Senator Roger F. Wicker kan Mississippi, Senator Deb Fischer ng Nebraska, asin U.S. Ambassador MaryKay Carlson.
Sa saindang pag-uulay, pigsaysay kan Presidente na bukas ini sa anuman na suhestiyon o ideya gikan sa Estados Unidos tanganing mas mapamarhay an sitwasyon kan nasyon sa tahaw kan manlaen-laen na huma na kinahampang ngunyan kan Pilipinas.
Sigun sa Punong Ehekutibo, kadakol pang mga puwedeng tawan nin pansin an duwang nasyon orog na sa mga multilateral na kasunduang naitatag na sa rehiyon.
Pig-omaw man kan Presidente an suporta kan Amerika sa modernisasyon kan Armed Forces of the Philippines.
Dugang pa ni Marcos, nagtutubod ini na mas orog pang matibay an ugnayan kan Pilipinas asin U.S., na labi sarong siglo nang magkaalyado sa manlaen-laen na ladangan.
