Ipinahayag ni Iranian Foreign Minister Abbas Araghchi na lubos na preparado an saiyang nasyon kun sakaling mag-otro an pakikipaglaban sa United States matapos isikwal kan Washington an saindang pitong aldaw na plano para sa pag-otro nin pagbukas kan Strait of Hormuz.
Sa ibong kaini, sinabi ni US President Donald Trump na naglalaom siyang magkaigwa nin dugang na negosasyon sa Iran ngunyan na semana mantang pinipirit na magtatrayumpo an Washington sa iriwal sa laog nin halipot na panahon.
Mientrastanto, higot na pinaghabo kan militar kan US an pahayag kan Tehran na naagaw kan militar kan Iran an sarong modernong underwater US drone sa mismong Strait of Hormuz.
Kasabay kaini, limang lalaki man an inaresto harani sa sarong pasilidad kan airbase sa United Kingdom na ginagamit kan US sa operasyon kontra sa Iran huli sa pagduda nin pagkapot nin armas asin koneksyon sa terorismo.
