Iniladawan kan mga imbestigador an suspek sa pambabadil sa mga aki sa Minneapolis mantang nagpapangadyi sa Annunciation catholic church na obsessed soboot sa ideya nin paggadan sa mga aki.
Sigun ki Minneapolis Police Chief Brian O’Hara, nagadan kan suspek na si Robin Westman, 23 anyos, an duwang aki mantang 18 an nalugadan, alagad garu mayo soboot partikular na motibo an nasambitan ng shooter sa krimen.
Kundi garu nagluluwas na an suspek an anggot sa gabos asin mawot kan shooter na gadanon an mga kaakian.
Kinumpirmar man kan saindang pamilya an pagkakabistuhan kan mga biktima na sinda Fletcher Merkel, 8 anyos asin Harper Moyski, 10 anyos.
Basado pa sa iniluwas na detalye kan mga opisyal katakod sa background kan suspek, dating nag aatendir si Westman sa church’s school asin man nagtrabaho man duman an saiyang ina.
Sa saro man na news conference, sinaysay ni US Attorney General for Minnesota Joseph Thompson na nagpahayag nin kaanggutan an suspek sa kadakol na mga grupo kabali na sa Jewish community asin man ki US President Donald Trump.
Ini an nakabugtak sa pigwalat na notes kan suspek na nagadan man makalihis magbadil sa sadiri.
Sigun ki Federal Bureau of Investigation Director Kash Patel, nagwalat an suspek nin kadakol na anti-Catholic asin anti-religious references na nakasurat kadaklan sa Russian cyrillic alphabet sa mga badil asin notes na nadiskubre kan mga imbestigador. Iniladawan man kaini an nasambitan ng pag-atake komo sarong gawi nin domestic terrorism dara kan pagkamuhi.
