Inihayag kan Bureau of Customs na saindang dae papalampason magin an mga car dealers na mahihilingan o kasabwat kan pamilya Discaya dapit sa isyu kaining ‘luxury cars’.
Sigun sa pahayag ni Comm. Ariel Nepomuceno, papanimbagon man soboot an mga ini enkaso mapatotoohang dae nag-agi sa tamang proseso an paglaog kan mga ‘luxury cars’ sa laog kan nasyon.
Ini kaya an paliwanag kan kampo kan pamilya Discaya kun saen binakal sana soboot ninda sa mga dealer kan lunadan an ari-arian.
Kaya kun madiskubreng ini igwang katotoohan, hahabulon soboot kan ahensiya magin an mga car dealers na nagpuslit o nag-import kan luxury cars sa nasyon.
Mantang saiya man na sinabi na bako sana sa pamilya Discaya nakatuon an saindang pag-iimbestigar katakod sa kontrobersiyal na flood control projects.
Magin an nagkapirang mamahalon na ari-arian, sainda man soboot pighihiling enkaso igwang binalgar na ley puon kan mailaog sa Pilipinas.
