NAGA CITY – Matrayumpong naikasa an duwang buybust operation sa magkaibang lugar sa syudad nin Naga. Sa entrevista kan Bombo Radyo Naga ki PCPT Gil G. Guban III – Assistant City Community Affairs And Development Unit (CCADU), Naga City Police Office, sinaysay kaini na matrayumpong naipasa kamot kan mga otoridad si alyas “Julius,” 41 anyos, paraoma, residente kan Zone 6, Brgy Carolina, Naga City, Camarines Sur.
Pig-arestar ini pasado alas 8:39 nin pagkabanggi kan nakalihis na Lunes September 8, 2025, sa Zone 4, Brgy Pacol nasambitan ng syudad.
Nakumpiskar sa suspek an anom na pidaso nin heat-sealed transparent plastic sachet na pinagtutubudang ilegal na droga na nagkakantidad nin P4,260.00 asin man PhP 500.00 bill komo buy-bust money.
Meintrastanto, arestado man sa ikinasang operasyon sa kaparehong aldaw si alyas “Miguel,” 40 anyos, truck helper, residente kan PNR Site, Zone 4, Brgy. Triangulo, Naga City, pasado alas 3:55 nin pagkahapon sa PNR Site, Zone 4, Brgy. Mabolo.
Kumpiskado sa suspek an anom na pidaso nin heat-sealed transparent plastic sachet na pinagtutubudang ilegal na droga asin man PhP 500.00 bill na ginamit man komo buy-bust money.
Sa ngunyan, nasa kustodiya na kan mga kapulisan an nasambitan ng mga suspek para sa nagkakanigong disposisyon.
Pigsierto pa ni Gumba, na madagos-dagos pa an saindang isasagibong mga operasyon tangani dagusan nang mabawasan an naglalalang kaso kan ilegal na droga sa syudad nin Naga.
