Pinagpiyestahan kan netizens an volleyball superstar na si Creamline Middle Blocker Bea “BDL” De Leon huli soboot kan construction firm na pagsasadiri kan saiyang amang si Elmer De Leon.
Sa pag-atendir ni Curlee Discaya sa pagdangog kan Senate Blue Ribbon Committee kan nakalihis na Lunes, Setyembre 8, 2025, ipigheras kaining kabali an Bell Construction na pagsasadiri kan ama ni Bea sa nagin transaksiyon kaini sa Marikina.
Huli digde, marekas na naintriga sa social media platform na Reddit an negosyo kan pamilya ni Bea kun saen nakalkal na igwang mga kapot man soboot ining flood control projects.
Sigun sa public records kan Department of Public Works and Highways (DPWH), may mga kinaputang flood control projects an Bell Construction siring kan Halang Creek, Phase 2 sa Rizal na nagkakantedad nin ₱69.5 milyon asin rehabilitasyon sa flood control structure sa Muntindilaw, Antipolo City na nagkakantidad nin ₱88.4 milyon.
Mientrastanto, sa ibong kan pagkakadawit kan Bell Construction, nagtitinir ining dae kabali sa listahan kan DPWH para sa mga construction firm na nakakua nin dakulang kontrata para sa flood control projects.
Sa ngunyan, mayo pang kasimbagan si Bea dapit sa isyu.
