Hinagad ni Davao City Rep. Paolo Duterte sa National Bureau of Investigation (NBI) na isali sa imbestigasyon an mga flood control projects na konektado sa distrito ni Laguna Rep. Ann Matibag, agom ni NBI Director Melvin Matibag.
Ini kasunod kan pahayag kan NBI na ipapatawag kaini an mga contractor na konektado sa mga red-flagged flood control projects sa enot na distrito kan Davao City.
Sinabi ni Duterte na gusto niyang mahiling an mga dokumento, video asin mismong proyekto na sinasabing substandard o ghost projects.
Iginiit ni Duterte na dapat pare-pareho an pamantayan kan imbestigasyon sa gabos na lugar asin mayo dapat na pinipili sana na siyasaton.
Hapot man kan Solon kun ipapatawag kan NBI an mga contractor na Discaya na umano’y imbwelto man sa duwang proyekto sa distrito ni Rep. Matibag.
Segun ki Duterte, igwa sinda nin mga video asin dokumento na may kinaaraman sa nasambit na mga proyekto.
Nangapudan si Duterte na gibuhon na publiko kan NBI an imbestigasyon, kaiba an mga ebidensya asin resulta kan pagdangog, tanganing mahiling umano kan publiko an aktuwal na ginigibo kan mga awtoridad.
