Pig-atasan na kan Sandiganbayan an pagpalaya ki dating Sandiganbayan, nagpaluwas nin kasuguan nin pagpalaya ki dating DPWH Secretary Bonoan. Kasunod ini kan tulos na pagbasura sa mga kaso laban sa dating sekretaryo.
Sa nasabing mando na pirmado kan Sandiganbayan Fifth Division, inatasan an Philippine National Police (PNP) General Hospital na paluwason na si Bonoan.
An Office of the Ombudsman an nagmando sa Sandiganbayan na tanggalon si Bonoan bilang co-accused ni Senator Jinggoy Estrada asin iba pang mga opisyal huli sa anomalya sa mga flood control projects.
Plano kan Ombudsman na magin state witness si Bonoan sa imbestigasyon kan mga anomalya sa flood control. Magpoon pa kan Hunyo, nasa kustodiya na kan PNP General Hospital si Bonoan matapos ipaluwas an warrant of arrest kontra saiya kan Sandiganbayan.
Naghagad si Bonoan nin hospital arrest huli sa saiyang mga kamatian, kabali na an Chronic Kidney Disease asin Prostate Cancer.
Sinabi man ni PNP Public Information Office chief PCol. Allen Rae Co na posible nang makalaya an dating kalihim ngonian na aldaw Biyernes, Setyembre 4, matapos na masuri ninda an mga dokumento na kaipuhan antes siya paluwason sa saindang kustodiya.
