Aram baya nindo mga ka-bombo, mantang nagsasairarom sa bulongan an 65-anyos na Lola huli sa pig-aapod na knee osteoarthritis, nadiskubrer kan mga doktor sa South Korea an ginatos na purong gold threads na piglaag sa saiyang lapi.
Susog sa report an dae na pinangaranan na pasyente an nakamate nin labing kulog sa saiyang tuhod huli sa osteoarthritis.
An mga pig-prescribed na painkillers, non-steroidal anti-inflammatory drugs asin an pig-inject na steroid derikta sa tuhod an dae kinayang mahali an labing kulog.
Katakod digde, huli sa paggamit kan nasambitan ng mga bulong igwang sinapo na negatibong epekto an nasambitan ng Lola siring kan labing kulog nin tulak kun kaya nagdesisyon ini na purbaran an kontrobersyal na gold thread acupuncture.
Makalihis an pirang semana mas orog na naglala an namamateang kulog kan Lola kun kaya nagdesisyon na magbalik sa ospital.
Sigun sa mga doktor, an pag-insert nin sterile na pidaso kan gold sa tuhod an dae pa napatotoohan na igwang positibong epekto kun kaya padagos na nagpapagirumdom an mga ini sa publiko na maglikay.
