Posible soboot na mahampang an mag-agom na Pacifico “Curlee” Discaya II asin Sarah Discaya sa kasong plunder, na sarong non-bailable offense asin igwang padusa na habambuhay na pagkakakulong.
Sinabi ini ninda Representatives Gerville Luistro kan Batangas asin Terry Ridon kan Bicol Saro Party-list asin Co-chairman kan House Infrastructure Committee.
Sigun ki Luistro, sa saindang pigsumpaan na salaysay nagluluwas na garo pig-ako na kan mag-agom na Discaya an saindang pandarambong kan ibuyagyag ninda kun pano nagbulos an pondo sa mga iregular na proyekto na nakua ninda sa gobierno.
Apwera sa swak sa kasong plunder, pigsaysay man Rep. Ridon na dae man kuwalipikado asin dapat magin state witness sinda Curlee asin Sarah huli ta sinda an sentro kan mga maanomalyang flood control projects.
Kaya man pigtawan duon ni Ridon, imbes na ibali an mga Discaya sa Witness Protection Program kan Department of Justice (DOJ), mas dapat sindang kasuhan nin plunder o kaya corruption of public officials.
