Naghain nin petisyon para sa piyansa an kampo ni dating House Speaker Martin Romualdez sa Sandiganbayan ngunyan na Lunes, Setyembre 28.
Segun sa report, isinangat kan kampo ni Romualdez an petisyon konektado sa saiyang kinakahampang na kasong plunder na may relasyon sa suboot P7.44-bilyong kickback scheme sa mga flood control asin iba pang proyekto kan gobyerno.
Nakatalaan na magpuon sa Oktubre 12 an pagdangog sa saiyang petisyon para sa piyansa, kun saen linalaoman na maghahain nin ebidensya an prosekusyon manungod sa kusog kan kasong isinangat laban sa dating House Speaker.
Mantang, magtatagal man sagkod Nobyembre 12 an bail hearing ni Romualdez, kun saen linalaoman na maghahain an prosekusyon nin nasa 23 testigo, mantang tulong (3) sagkod apat (4) man an ihaharap kan depensa.
Mantang puon man sa Nobyembre 23 an main trial kan kaso. Nasa 73 na testigo an nakatalaan na iharap kan prosekusyon, mantang nasa 40 man an linalaoman na ihaharap kan depensa.
Kan Setyembre 16, nagpasiring si Romualdez nin plea na not guilty sa kasong plunder sa Sandiganbayan.
