UN Security Council pigkondenar an pag-atake kan Israel sa Qatar

Pigkondenar kan United Nations Security Council (UNSC) an ginibong pag-atake kan Israel sa Qatar.

Sa ginibong meeting kan UNSC, nagkasararo an gabos kan mga 15 miyembro kabali na an US sa pagluluwas nin pagkondina sa ginibo kan Israel.

Pigsaysay kan mga ini na suportado kan grupo an importansiya kan pagkakaigwa nin untuk-putukan asin papel kan Qatar.

Kabali kaya an Qatar, Egypt asin US na mga mediator tanganing dagusan nang mauntok an labanan kan Hamas asin Israel.

Nagkapira sa mga kondisyon sa ceasefire deal an pagpapalibre kan mga bihag siringman an paghali kan mga soldados kan Israel sa Gaza.