Pabor si House Infra Committee lead Chairman asin Bicol Saro Partylist Representative Terry Ridon na suspindiron an pagdangog kan tri committee katakod sa maanomalyang proyekto sa flood control projects.
Ini an tagani tawan dalan an mandato kan Independent Commission on Infrastructure (ICI) na binilog kan Palasyo kan Malakanyang tangani imbestigaran an mga maanomalyang infrastructure projects partikular an mga flood control projects.
Naglalaom si Ridon na magkasundo an Kamara asin Senado na magkaigwa nin joint resolution tangani suspindiron an isinasagibong pagdangog in aid of legislation.
Inihayag man ni Ridon na kaparehas sa existing protocol, kun igwa nin miyembro kan Kamara an pinangaranan sa mga maanomalyang flood control projects, dapat magtao nin pahayag sa Infra Comm.
Alagad an nagin pahayag ni Rep. Kiko Barzaga kontra ki Speaker Martin Romualdez an general statements na mayong konkretong detalye katakod man sa maanomalyang flood control projects.
Hurot ni Ridon dapat na magin specific an kongresista sa saiyang alegasyon tangani man maikunsidera ini kan Infra Comm.
