Nagpaabot nin chocolate birthday cake si U.S. President Donald Trump sa paagi ni Brian Burch, an bagong itinalagang ambassador kan Amerika sa Vatican para sa ika-70 komplianyo ni Pope Leo XIV.
Itinao ni Burch an regalo gikan sa Portillo’s, sarong sikat na kakanan sa Chicago kan nakalihis na Sabado.
Marurumdumang si Pope Leo, an enot na Amerikanong Santo Papa, na tubong Chicago asin na-elehir kan nakalihis na Mayo karibay ni Pope Francis.
Bistadong konserbatibo si Burch asin nagin kritiko ni Pope Francis, orog na sa pagigin bukas kaini sa LGBTQ Catholics.
Sa ibong kan kontobersiya sa saiyang nominasyon, inako pa man ini kan Vatican komo ambassador.
Sa handout video, mahihiling na nakangirit si Pope Leo sa inabot na cake. Suba pa ni Burch, “Portillo’s sent it to you,” asin simbag kan Santo Papa, “And you brought it.”
An kaganapang ini an maikokonsiderar na puon kan bagong kabtang kan diplomatikong koneksiyon sa tahaw kan U.S asin Vatican.
