Namantinir kan bagyong Mirasol an kusog kaini makalihis na maglandfall sa Casisguran, Aurora.
Sigun sa Philippine Atmospheric, Geophysical and Astronomical Services Administration (PAGASA), na igwang kabilugang 15 lugar na nakabandera sa signal number 1.
Nahiling an epicenter kan bagyo sa bisinidad kan Casiguran, Aurora.
Igwa ining taglay na kusog kan duros na nagpapakol sa 55 kilometers per hour asin pagbugso na hasta 70 kph.
An mga lugar na nasa signal number 1 an kinababalihan kan Batanes, Cagayan kaibahan an Babuyan Islands; Isabela; Quirino; Nueva Vizcaya; Dilasag, Casiguran, Dinalungan, Dipaculao, Baler, Maria Aurora, San Luis sa Aurora; Apayao; Abra; Kalinga; Mountain Province; Ifugao; Bakun, Mankayan, Kabayan, Buguias, Kibungan, Atok, Bokod sa Benguet; Ilocos Norte; Ilocos Sur asin Polillo Islands.
Madara an nasambitan ng bagyo nin makusog na duros asin pag-uran sa nasambitan ng mga lugar.
Piglalaoma na maluya an bagyo sa laog kan 12 oras mantang pigbabagtas an northern Luzon.
Posibleng sa aldaw nin Huwebes an dagusan nang makakaluwas sa Philippine Area of Responsibility (PAR) an bagyo.
