Dsereving an Alas Pilipinas na makalaog sa Round of 16 kun an Iran head coach Robert Piazza an hahaputon huli sa higos asin tibay na pinahiling kaini sa FIVB Men’s Volleyball World Championships.
Dagusan nang namaaram sa kontensiyon an Alas Pilipians makalihis makarehistro nin 25-21, 21-25, 25-17, 23-25, 20-22 kabiguan sa kamot kan Iran sa do-or-die game kan nakalihis na Huwebes sa Mall of Asia Arena sa Pasay City.
Kapot na kuta kan Alas Pilipinas an kapangganahan alagad saronng krusyal na error an nagibo ni Kim Malabunga na nahiling sa net fault challenge na hinagad man kan Iran.
Sa ibong kan mamundo na pangyayari, maogma pa man an bilog na volleyball community sa ipinamalas kan Alas Pilipinas na tunay na nagbulos kan saindang pagal asin paghinguha tangani makatao sana nin marahay na laban kontra sa mga world-class volleyball players.
