Ipinahayag ni Presidente Ferdinand Marcos Jr., an sarong importanteng desisyon na igwang kinaaraman sa pondo kan Philippine Health Insurance Corporation, o PhilHealth.
Sigun sa Presidente, an pondong nagkakantedad nin P60 bilyong piso, na enot na pigtagama para sa ibang mga proyekto kan gobyerno, an ibebweltada na liwat sa Philhealth.
Ini an dakulang tabang tanganing mapakusog an mga programa asin serbisyo kan ahensiya sa mga Pilipino.
An anunsiyong ini an personal na ginibo kan Presidente sa saiyang pagbisita sa Jose Fabella Memorial Hospital.
Sa saiyang pagbisita, pigtawan-duon kan Presidente an importansiya kan pagpapautob kan zero balance billing program.
Ini an sarong inisyatibo na obhetong tabangan an mga pasyente na dae na kaipuhang magbayad nin anumang kantidad sa saindang pagpapa-ospityal, orog na an mga miyembro kan PhilHealth.
Obheto kan Presidente na siertuhon na an programang ini, marhay na naipapautob asin nakikinabang an mga nangangaipuhan.
Sinabi pa kan Presidente na an pagbebweltada kan nasambitan ng Philhealth an isasagibo kasunod kan natukoy na savings kan gobyerno.
Boot sabihon, igwa nang pigtagamang pondo para digde, kaya masisierto na an Philhealth an magkakaigwa nin bastanteng resources tanganing masimbagan an pangangaipuhan kan mga miyembro kaini.
