Posibleng mahampang sa kasong sedisyon an mg indibidwal na imbwelto sa marahas na hiro protesta kan nakalihis na aldaw nin Domingo sa siyudad kan Manila.
Ini an sinabi ni DILG Secretary Jonvic Remulla katakod kan mga naarestar na mga indibidwal asin kapot ngunyan kan Manila Police District (MPD) asin pigsairarom sa integorasyon.
Nag-apelar man si Palace Press Officer USec. Claire Castro ki Sec. Remull asin Acting PNP Chief PLt.Gen. Jose Melencio Nartates na pag-adalan kun pwedeng kasuhan nin inciting to sedition si dating Ilocos Sur Governor Chavit Singson na nag-enkaminar sobboot sa mga kajovenan tanganing magbali sa protesta.
Sigun ki Castro, mistulang inakit ni Singson an mga kajovenan na dae na maglaog sa eskwelahan kundi mag-iba sa mga hiro-protesta asin pig-enkaminar man soboot kaini an mga maguran na pabayaan an saindang mga aki na magtindog para sa sarong rebolusyon kontra sa korapsiyon.
Sinabi ni Castro na mawot kan Presidente na mapanimbag an gabos kan imbwelto sa marahas asin maribok na hiro protesta sa nagkapirang parte kan Metro Manila na napuli pa sa kurulogan kontra sa mga pulis asin sibilyan.
Sigun man ki Acting PNP Chief Nartates posible man maghantong sa pagsusunad nin kasong terorismo o pagbalgar sa anti-terrorism act an mga nasa likod kan marahas na panggugulo.
