Pig-anunsyar ni Tropang 5G defensive player Christopher ‘Ping’ Exciminiano, an saiyang pagretiro sa pagkakawat.
Pigkumpirmar ni Danny Espiritu an manager kan 36-anyos na veteran guard an pagreretiro kaini.
Si Ping an panduwang parakawat kan TNT na maretiro sa laog nin sarong semana kasunod ni Ryan Reyes na nagkawat nin 17 taon sa PBA.
Si Exciminiano nagkawat nin 12 season kun saen gikan ini sa Far Eastern University.
Ini man an nagin second-round pick kan Alaska kan 2013 draft asin number 18 overall kun saen nagkawat ini nin anom na taon.
Maski dae sinda nagkampeon alagad parte man giraray sinda kan makalaog an Alaska sa finals nin limang beses puon 2015 hasta 2019.
Mientrastanto, makalihis kaini na-i-trade si Ping sa Rain or Shine karibay ni Maverick Ahanmisi.
Nagsapo ini nin ACL injury kan nasambitan ng panahon alagad kan marahay an nagbalyo sa TNT.
An nasambitan ng player an igwang average na 3.3 points asin 15 rebounds sa laog nin 282 na kawat.
