Maduon na pinahimutikan ni Executive Secretary Lucas Bersamin an alegasyon ni dating DPWH Undersecretary Roberto Bernardo sa isinagibong pagdangog kan Senate Blue Ribbon Committee kasuodma, dapit sa soboot “15% commitment” na para sa Office of the Executive Secretary.
Basado sa sinumpaang salaysay ni Bernardo sa Senado, nabanggit kaini na kan nakalihis na 2024, inapodan ini ni DepEd Undersecretary Trygve Olaivar, para sarong pag-uulay katakod kan Unprogrammed Appropriations na soboot para sa Office of the Executive Secretary.
Sa nasambitan ng pag-uulay, pighagad soboot an listahan kan mga proyekto.
Sa sarong statement, sinaysay ni Bersamin na mayong katotoohan an pahayag huli ta dae nakikiaram an Office of the Executive Secretary sa anumang ulatan na igwang kinaaraman sa budgetary allocations kan Department of Public Works and Highways (DPWH).
Nilinaw man kaini na mayong transaksiyon o koneksiyon an OES ki Bernardo, magin ki USec. Olaivar, na enot na man pinahimutikan sa parehong paratang.
Pigtawan-duon ni Bersamin na nagtitinir na malinig an saiyang record komo haloy nang nagseserbi sa gobyerno, enot komo career judicial officer asin ngunyan komo Executive Secretary.
