ARAM baya nindo mga ka-bombo, isinagibo kasuarin sana sa Peru an pag-aadal kan fossilized skeleton kan sarong sinaunang hayop na kahawig kan dolphin, na pigkakarkulong igwang edad na 8 hasta 12 milyong taon.
Nadiskubre an mga tulang kan nakalihis na Hulyo, 2025 sa Ocucaje Desert, Lima —sarong lugar na dating parte kan Pacific Ocean.
Sigun sa sarong paleontologist, an nasambitan ng lugar an nagsirbing “great hotel” para sa mga marine animals huli sa mga bukid na nagpupugol sa makukusog na hukol, kaya nagin perpektong lugar ini para soboot sa saindang pagpapadakol.
Basado pa sa mga mananaliksik naghaloy an nasambitan ng rehiyon komo sarong dagat nin poco mas o menos 45 milyong taon na an nakakalihis.
Dugang pa kan Peru’s state Geological, Mining and Metallurgical Institute (INGEMET) an nanutaran fossil an makakatabang sa pagsabot kun pano nagbago an geography asin coastline kan Peru sa laog kan kadakol na taon.
Katakod kaini, bistado an mga disyerto kan Peru komo sarong mayamang lubungan kan mga sinaunang marine animals.
Ngunyan na taon, nanutaran man an fossil kan sarong kaparientes kan great white shark na igwang edad na 9 milyon taon.
Apwera pa digde, kan nakalihis na Abril 2024, ipinahiling man an fossilized skull kan pinakadakulang bistadong river dolphin na nakaistar sa Amazon labi 16 milyong taon na an nakakalihis.
