Visayas grid, isasairarom sa yellow alert status atyan na hapon huli sa epekto kan 6.9 magnitude na linog

Nakatalaan na isairarom sa yellow alert status an Visayas grid atyan na hapon.

An yellow alert an pigbababndera enkaso mas mababa an suplay nin kuryente kaysa sa karaniwan huli sa pagnipis kan mga reserba.

Sigun sa National Grid Corporation of the Philippines o NGCP, an yellow alert an mapuon pasado alas-1 nin hapon hasta alas-12 nin bangi.

An rason kan yellow alert an huli sa force outage sa 27 na planta na naapektaran kan magnitude 6.9 na linog.

An 16 sa mga planta an dae na available antes pa man an linog mantang an sarong planta an pigpapagana alagad sa paagi kan derated capacity.

Mientrastanto, an Luzon asin Mindanao grid an nasa normal man na kondisyon.