Kamawotan ni Presidente Ferdinand Marcos Jr. na orog pang pakusugon an dairy industry kan nasyon tanganing matabangan an mga paraoma asin mapatatag an lokal na produksyon kan gatas.
Sa inagurasyon kan Farm Fresh Milk Plant sa San Simon, Pampanga, pigsaysay kan Presidente na kaiba sa lakdang an pagpapautang nin puhunan, pagtatao nin training sa mga paraoma, asin mas aktibong pakikipag-tabangan sa pribadong sektor.
Sigun sa presidente, namamantenir na hababa an produksyon kan gatas sa nasyon huli sa halangkaw na pag-angkat asin epekto kan pagbabago kan klima.
Mientrastanto sa pagbukas kan bagong planta, piglalaoman na makakagibo ini nin 32 milyong litro kan pasteurized milk asin 2.4 milyong litro kan yogurt kada taon.
Nagkakantidad nin ₱3 bilyon an pasilidad na resulta kan koordinasyon sa pag-ultanan kan Pilipinas asin Malaysia.
Pigtawan-duon man kan Presidente an importansiya kan gatas komo masustansyang pagkakan para sa mga kabataan asin enot na sangkap sa manlaen-laen na pagkakan.
