Liwat na nagbugang abo an Bulkang Kanlaon sa Negros Island ngunyan na aldaw, sigun sa Philippine Institute of Volcanology and Seismology (PHIVOLCS).
Basado sa Kanlaon Volcano Observatory an ash emission na nagpuon pasado alas-8 nin aga, nanutaran sa palibot kan bulkan.
Sa video footage na ipigheras kan PHIVOLCS, mahihiling an mga greyish plumes na nag-abot nin 500 metro an langkaw gikan sa crater asin dum drifting kan bulkan pasiring sa timog-kanlurang direksiyon.
Katakod kaini padagos pa man na nagtitinir sa Alert Level 2 (Increased Unrest) an bulkan.Kan nakalihis na Sabado, nakapagrecord an PHIVOLCS nin 65 volcanic earthquakes asin 1, 638 toneladang sulfur dioxide emission gikan sa palibot kan bulkan.
Siring man igwang mga nairecord moderate plumes na nag-abot nin 650 meter an langkaw na napadpad sa kanlurang-hilagang kanluran.
Pig-abisuhan man kan PHIVOLCS na dae na maglaog sa apat na kilometrong radius permanent danger zone an publiko asin pinagbawal na man an paglupad kan mga eroplano na harani sa bulkan.
