Nakarehistro nin pagbuga an Philippine Institute of Volcanology and Seismology (Phivolcs) nin abo hale sa Bulkang Mayon ngayong Sabado, Oktubre 17, 2026, lampas alas-11:00 nin aga.
Base sa mga sped-up camera footages na nakua kan ahensya, nagkaigwa nin pagbuga nin abo sa crater kaini.
An nasabing aktibidad nakatala nin “grayish to brownish plume” na umabot sa 400 meters sa ibabaw kan summit crater kan bulkan bago ini bumagsak pasiring sa subangan na parte kan bulkan.
Mientras tanto, nagpapadanay pa man giraray sa Alert Level 2 an Bulkang Mayon asin mahigot pa man giraray na ipinagbabawal an paglaog sa 6-km Permanent Danger Zone (PDZ) hale digdi.
Mas nagdakul man an mga turistang nag-aabang sa nagkapirang halangkaw na lugar para sana mahiling an binansagan na “beautiful disaster.”
Alagad, dai tinutugutan an mga ini na magduman sa mga lugar na natukoy na delikado para sa aktibidad kan mga tawo.
