Pwede nang magbukas nin klase an haros 95% kan mga eskwelahan sa Masbate makalihis an nagin hagupit ni Bagyong Opong sa probinsya.
Sigun ki Masbate Schools Division Supt. Raymond Cantonjos, bagaman dakulang porsyento na an posibleng magbukas nin klase may nagkapirang mga eskwelahan pa man an sakit na ipagpadagos an face-to-face classes huli sa danyos na winalat kan nasambitan ng bagyo.
Paliwanag ni Cantonjos, nagkapirang eskwelahan pa man an mapautob nin blended learning o fully modular learning system hasta sa maipakarhay na an gabos nin mga naraot na mga eskwelahan.
Komo kasimbagan man digde, pwede man na magpautob paramientras an mga eskwelahan sa Masbate nin temporary learning space (TLS) sigun sa Department of Education (DepEd).
Mientrastanto, dagos-dagos man an mga paratukdo asin mga otoridad sa Masbate sa paglilinig kan mga eskwelahan tangani magamit na ini sa orog na marikas na panahon.
Matinir man na bukas an himpilan kan DepEd Bicol Region asin Schools Divisions Office Masbate Province para sa mga mawot na magpahatod nin tabang sa pagpapakarhay kan mga eskwelahan sa Masbate.
