Nag-go signal na si U.S. President Donald Trump para sa pag-deploy kan 300 National Guardsmen sa Chicago makalihis an insidente kun saen sarong federal agent an nakabadil nin sarong motorista kan nakalihis na Sabado (oras sa Amerika).
Sigun sa White House, an lakdang an tangani protehiran an mga officials federal siringman an publiko sa tahaw kan tumitinding tensyon sa syudad.
Mientrastanto, sarong federal judges man sa Portland, Oregon, an nagtao nin temporary restraining order kontra sa plano ni Trump na magpadara nin mga tropa kan suldados sa nasambitan ng syudad.
Sigun ki US District Judge Karin Immergut, an mga alegasyon kan Presidente dapit sa Portland komo sarong “war-ravaged” na syudad an dae bastante para sa mga ebidensyang kapot kaini.
Kinumpirmar man kan Department of Homeland Security na nangyari an pambabadil makalihis magkaigwa nin tensyon sa pag-ultanan kan mga federal agent asin sarong motoristang armado kan semi-automatic na badil.
Sigun sa ahensya, pinaputokan soboot kan mga federal agent an motoristang nagbangga sa saindang mga lunadan.
Sigun ki DHS assistant secretary Tricia McLaughlin an Law enforcement napiritan na mag deploy kan saindang mga armas asin mambadil sa armed US citizen.
