Pighayag ni Commission on Elections (Comelec) Chairman George Erwin Garcia na dae sinda pupwedeng magkundusir nin snap elections kun mayong ley na nagmamandato kaini.
Ini an piglinaw ni Garcia kasunod kan sinaysay ni Sen. Alan Peter Cayetano na magkundusir nin snap elections, sa kasagsagan kan mga isyu nin korapsyon na iyong nagpapatos sa nasyon ngunyan.
Sigun ki Garcia dae makakakundusir nin elections nin mayong ley.
Kinakaipuhan na may mandato kan ley huli ta parte kan obligasyon kan comelec an magpatupad nin ley.
Kun mayo kaini dae maisasagibo an siring na klase nin elections
Dugang pa ni Garcia, mas marekas an pagsagibo kan eleksyon kun an nasyon nasa irarom kan parliamentary government, alagad mayo nin siring kaining klaseng probisyon sa Saligang Batas.
