Nag-apelar an Catholic Bishops’ Conference of the Philippines (CBCP) sa government officials na panindugan an integridad kan imbestigasyon sa flood control scandal.
Hurot kan grupo, an Independent Commission for Infrastructure an nabilog tanganing ibweltada an tiwala kan publiko.
Dapat ini an igwang bastanteng kapangyarihan tanganing libreng maimbestigaran an nabunyag na iskandalo nin mayong anumang political interference gikan sa anumang ahensiya kan gobyerno.
Pigsaro-saro kan CBCP an mandato kan ICI, siring kan pagigin bukas sa mga proceedings, findingd, asin rekomendasyon; access sa gabos kan mga dokumento asin witness, public disclosure sa budget insertion asin project allocation, asin protection para sa mga whistleblower kaini, kaibahan an mga technical personnel na maluwas asin mabunyag kan mga impormasyon.
Pigtutulan man kan grupo an anumang pagporbar na baguhon o isabutahe an naggugulong na proseso kan imbestigasyon sa paagi kan political manuever, backroom deals, leadership takeover, asin selective justice.
Hurot kan CBCP, maski nuarin dae mahilom an sarong nasyon kun ini an pinapatos kan korapsiyon asin self-interest.
Kasabay kaini, nangapodan an CBCP na dapat mayong mangyaring whitewashing asin imbes magkaigwa nin paninimbagan sa gabos.
Pig-enkaminar man kan CBCP an Kongreso asin malakanyang na patunayang piangsisirbihan ninda an ikamamarhay kan kadaklan imbes na pansadiring kapangyarihan sana.
Pagtaong-duon pa kan grupo na pabayaan na sana an ICI na gibuhon an tungkulin kaini nin bukas,. mayong takot asin mayong kinikilingan.
