Mamamagitan na man an Prime Minister kan Qatar asin delegasyon kan Turkey sa ikatulong aldaw kan peace talks sa pag-ultanan kan mga negotiator kan Hamas asin Israel na obhetong mawakasan na an giyera sa pag-ultanan kan magka ibong na panig kan nakalihis na Miyerkules, Oktubre 8.
Ini na parte kan indirect negotiations sa pag-ultanan kan Israel asin Hamas na isinasagibo sa Red Sea resort town kan Sharm El-Sheikh kaugnay sa 20-point plan na pigpropwesto ni US President Donald Trump.
Kan nakalihis man na Martes, sinaysay ni Trump na makikisumaro man an US negotiators sa nasambitan ng pag-uulay.
Nagpahiwatig man an US President na may posibilidad na makua an katrangkiluhan sa Middle East asin an pagmamawot na tulos mapalaya na an gabos kan natatadang mga bihag kan Hamas sa Gaza.
Sigun ki Trump, gigibuhon kan Amerika an gabos tangani masierto na masunod an kada saro sa kasunduan, enkaso man na magkasundo na an Hamas asin Israel sa ceasefire
