Nagluwas an kadaklan sa mga delegado na nag-atender sa United Nations General Assembly sa New York, bago pa man magtao nin saiyang talumpati si Israeli Prime Minister Benjamin Netanyahu.
An kadaklan sa mga nasyon na nagluwas dai nag-oyon sa giyerang ginibo kan Israel asin US sa Iran.
Alagad, dai nagpatinag si Netanyahu asin ipinadagos an saiyang talumpati.
Sinabi niya na dapat magpasalamat sinda sa Israel huli ta kun dai ninda inatake an nuclear facilities kan Iran, posibleng gabos sinda gadan na.
Ipinagmalaki niya giraray an pahayag ni US President Donald Trump na matrayumpo nindang narumpag an Iranian military asin nuclear capabilities.
Nagkapirang grupo an kalaban kan Israel arog kan Hamas, Hezbollah, Houthis, Iran, siring man an mga grupo sa Iraq, Syria, asin Palestine. Sinabi niya na mayo na sindang nagin matibay na kasurog kundi an US.
