Aram baya nindo mga ka-bombo, sarong 22-anyos na fan kan comic book gikan sa Indiana an naipuli an Guinness World Record para sa saiyang collection kan nasa 2,318 items na igwang kinaaraman sa Batman villain na si Joker.
Sigun ki Megan Pierce, nagpuon ining magkolektar kan ini nasa middle school pa kun saen an saiyang mga items an kinababalihan na kan mga action figures asin comic books magin kan mga Joker rollerblades, skateboard asin milk caps gikan pa kan taong 1966.
Dugang pa ni Piece, nagpuon ining mag-post nin mga content sa social media dapit sa saiyang collection sa panahon kan COVID-19 pandemic kun saen pig-enkaminar man ining mag-apply para sa Guinness World Record, sarong proseso na pinuonan kaini kan taong 2023.
Susog sa report, kinaipuhan kan nasambitan ng 22-anyos na babae na sukulon asin i-dokumento an gabos kan saiyang opisyal na licensed item kun saen an proseso an kaipuhan na mahiling kan limang expert witnesses.
Katakod digde, nagpakol sa 2,318 eligible pieces kan memorabilia an saiyang nakolektar rason sa pagkakapuli kaini kan nasambitan ng titulo.
