Magpapadara nin mas kadakol na delegasyon an Pilipinas para sa 33rd Southeast Asian Games na ikukundusir sa Thailand sa bulan kan Disyembre.
Pigsaysay ni Philippine Olympic Committee (POC) President Abraham “Bambol” Tolentino na kadakol na mga atleta an nagsasanay na kun saen an iba an nasa ibang nasyon para sa training.Igwang 1,713 na delegado kabali na an mga officials an ipapadara kan Pilipinas.
Sa nasambitan ng numero, 1,300 digde an mga atleta na boot sabihon igwang mas halangkaw na 500 na delegado ngunyan na ipapadara kumparar kan nakalihis na 2023 na SEA Games na pigkundusir man sa Cambodia.
Ini bako sana huli sa kadakol mga team sports kundi mawot kan POC na malampasan an performance kan Pilipinas kan 2023.
Kan 2023 kaya igwang 260 medalya an nakolektar kan nasyon na igwang 58 gold medals, 85 silvers asin 117 bronze.
