Bukas si Vice President Sara Duterte na ma-review an saiyang Statement of Assets, Liabilities, asin Net Worth (SALN).
Sigun ki VP Sara, dae na kaipuhan pang siripon ni bagong Ombudsman Jesus Crispin Remulla an saiyang SALN asin pag-adalan.
Kun ano man an mawot an gibuhon ni Remulla komo Ombudsman ipapasa-Diyos na sana ni VP Duterte.
An pahayag ni VP Sara kasunod kan pag anunsyo ni Remulla kan Biyernes na gigibuhon kaini na accessible sa publiko an mga SALN kan mga opisyal kan gobierno, kabali na ki Presidente Ferdinand Marcos Jr. asin ki Duterte.
Mientrastanto, sinaysay ni Duterte na bako si Remulla an mawot kaining magin Ombudsman kun ininman an presidente kan nasyon.
Enot naman pigsaysay ni Senadora Imee Marcos, kaalyado kan mga Duterte, na an pagtalaga ki Remulla komo Ombudsman an tanganing maipakulong si Duterte antes an 2028 presidential elections.
Pigpahimutikan man ni Presidente Marcos an pahayag kan saiyang tugang.
