NAGA CITY – Nagkakariribok an Malbong Dahik sa banwaan kan Gainza hula sa pagkua kan saindang sitio na magin parte kan Barangay Loob sa parehas na banwaan
Sa entrevista kan Bombo Radyo Naga ki Jun Altara, Barangay Kapitan kan Malbong, Gainza, Camarines Sur, pigsasay kaini na mayong nagin sakripisyo an Barangay Loob sa Malbong orog na tuyong may kalamidad puon kaidto hasta ngunyan.
Makulog sa boot orog na sa parte kan mga residente an siring kaining desisyon ta kunsuarin nag-improve na an Barangay saka man ini pig-aakonkan Loob.
Nagtao na nin resolusyon an nasambitan ng Barangay sa Sangguniang Bayan dapit sa pag-angkin o patotoo na sainda an lugar.
Mantang an bwelta kan mga residentes na dapat pigtawan sinda nin impormasyon dapit digde antes pig-aprubahan an nasambitan ng papel.
Sa pagmanehar kan Barangay na ini puon pa sa naenot na administrasyon kan Barangay kun saen anuman man na nangyayari sa Malbong pigsasapo kan mga residente.
Mientrastanto, pakiulay na sana kan mga residente na bagohon an desisyon sa pag-urulay asin hagad pa man kan mga ini na matawan nin solusyon huli ta an kamawotan kan mga tawo na mabago an desisyon na pagkua kan sitio kan Barangay Malbong.
