Nalusutan kan Meralco Bolts an Magnolia Hotshots 78-76 sa nagpapadagos na PBA 50th Philippine Cup.
Huli digde igwang tolong sunod na kapangganahan an Bolts sa kawat na pigkundusir sa Ynares Center sa Montalban, Rizal.
Nagbida sa kapangganahan kan Bolts si CJ Cansino na nagrehistro nin 23 points, anom na rebounds asin apat na blocks mantang igwang 17 points si Aaron Black.
Nag-ambag man nin 11 points si Bong Quinto asin pitong puntos asin 15 rebounds man si Brandon Bates.
Mientrastanto kapot kan Bolts an kalamangan na 77-76 sa free throws ni Jerom Lastimosa sa laog kan 10 segundo kan kawat alagad na-foul ni Paul Lee si Quinto tanganing mailaog an sarong free-throw asin nakua kan Bolts an kalamangan 78.
Pigpurbaran pa ni Lastimoso na maipagana an kawat sa paagi kan three-points shot alagad nabigo.
Nasayang an nagibong 22 points ni Lastimosa mantang 14 points ni Zav Lucero asin 11 points,11 rebounds ni Mark Barroca para sa Magnolia.
