Liwat naglunsar nin pag-atake an Israel sa Gaza makalihis soboot na magbalgar an Hamas sa ceasefire deal.
Nagbalos sana soboot an Israel kan duwa sa saindang soldados an binawian nin buhay huli sa pag-atake kan Hamas mantang nasa Rafah gamit an rocket propelled grenades asin sniper rifle.
Nasa Yellow line na an mga soldados kan Israel kan sinda atakihon kan Hamas. Ginibo ninda an Yellow line komo senyales na nagkaigwa nin ceasefire.
Sa ginibong pagbalos kan Israle, ikinagadan kan 44 katawo sa manlaen-laen na parte kan Gaza kun saen tinarget an kuta kan mga Hamas.
Pinahimutikan man kan Al Qassam Brigades (AQB) an kaalyadong grupo kan Hamas na sinda an nasa likod kan pag-atake.
Nahahadit man an mga mediators asin nangapodan sinda na magbweltada an Hamas asin Israel sa ceasefire deal.
