Nagpakol na sa P12.41-M an kantedad kan danyos sa agricultural products makalihis an panlalamasa kan Bagyong Ramil sa nasyon, sigun sa Department of Agriculture (DA).
Basado ini sa ginibong inisyal na assessment kan DA Regional Office kan Central Luzon, MIMAROPA, asin Western Visayas na nagkapira sa mga rehiyon na tinamaan kan bagyo.
Nagkapira sa mga naapektarang produkto an paroy, mga high value crops, asin poultry kun saen mapakol sa 292 metric tons an nairehistro na production loss.
Mantang 579 ektarya kan agricultural areas an nadanyaran asin 634 an numero kan apektadong paraoma huli sa Bagyong Ramil.
Huli digde, padagos an pigsasagibong assessment kan DA kun gurano kadakula an danyos asin nawara sa sektor kan fishery asin agrikultura.
Mantang nakikipag-koordinar an ahensya sa mga local government units, non-government organizations, asin DRRMO–related offices sa nagin epekto kan bagyo para sa gigibuhong intervention asin assistance.
