Ibinalik na sa Pilipinas an labi kan sarong Overseas Filipino Worker o OFW na nagadan makalihis na imbwelto sa pag-atake nin drone sa sarong oilfield sa Saudi Arabia kan Oktubre 21.
Sakay kan Saudia Cargo Flight an mga tada kan nagadan na OFW, na sinabat kan mga opisyal kan Department of Migrant Workers o DMW asin Overseas Workers Welfare Administration o OWWA, kaiba an pamilya kan biktima.
Nagpaabot man nin pakikidumamay an mga opisyal sa pamilya kan nagadan na OFW.
Segun sa report, an employer kan biktima, sa pakikipagtabangan kan Migrant Workers Office sa Al Khobar, Philippine Embassy sa Riyadh asin mga awtoridad sa Saudi Arabia, iyo an nag-asikaso kan mga dokumento asin proseso para sa pag-uli kan mga labi.
Kabali man sa mga benepisyo na inaasikaso kan employer iyo an natatadang sweldo, end-of-service benefits asin iba pang labor entitlements kan nagadan na OFW.
Mientrastanto, padagos man an pagtabang kan DMW asin OWWA sa pamilya kan biktima sa paagi nin tabang pinansyal, tabang sa paglubong asin suporta sa edukasyon para sa mga aki kan nagadan.
