Nagpaspas an paglubo kan produksyon kan mga pabrika sa Pilipinas kan September, na pinangunahan kan mga industriya nin petroleum products, basic metals asin transport equipment.
Base sa preliminary report kan Philippine Statistics Authority o PSA, nagrehistro nin 9 percent year-on-year growth an Volume of Production Index o VoPI kan manufacturing sector kan September, mas mataas kumpara sa 6.6 percent na naitala kan August.
Kabaliktaran man ini sa 1.1 percent na pagbaba kan produksyon sa kaparehong bulan kan 2025.
Segun sa PSA, nagtaas sa 31 percent an produksyon kan coke and refined petroleum products, kumpara sa 20.4 percent kan nagaging bulan.
Nagrehistro man nin 30.9 percent na paglubo an basic metals production, haloy sa 18.1 percent, mantang nagtaas man sa 12.7 percent an transport equipment, kumpara sa 6.2 percent kan August.
Sa iba pang industriya, 10 sa 19 industry divisions an nakapagtala nin positibong paglubo, kabilang an computer and electronic products, rubber and plastic products, garments, fabricated metal products, paper products asin electrical equipment.
Alagad, siyam na industriya an nagrehistro nin negatibong growth, kabilang an food products, beverages, chemicals, machinery and equipment, pharmaceutical products asin furniture.
Samantala, nag-abot sa 78.4 percent an average capacity utilization rate kan manufacturing sector kan September, medyo mas ubos kumpara sa 78.7 percent kan nagaging bulan.
Segun pa sa PSA, gabos na industry divisions an nagrehistro nin capacity utilization rate na sobra sa 65 percent.
Sa kabuuan, 36 percent kan mga establisimyento an nag-operate sa 90 hasta 100 percent capacity, mantang 38.6 percent an nag-operate sa 70 hasta 89 percent capacity.
An natitirang 25.5 percent man an nag-operate sa ubos sa 70 percent capacity.
