Naghali sa nasyon si Presidente Ferdinand Marcos Jr. kasubagong aga tanganing mag-atendir sa 47th ASEAN Summit sa Kuala Lumpur, Malaysia puon October 26-28, 2025.
Sigun ki Department of Foreign Affairs (DFA) Spokesperson Angelica Escalona, iheheras kan Presidente an manlaen-laen na pandaigdigang isyu kaibahan an mga lider kan Association of Southeast Asian Nations (ASEAN).
Kaibahan sa mga pag-uulayan an sitwasyon sa Myanmar, mga hamon sa ekonomiya, asin iba pang geopolitical asin geoeconomic issues na igwang dakulang epekto sa rehiyon.
Piglalaoman man na labi 80 dokumento an pipirmahan an aaprubahan kan mga lider sa summit.
Apwera digde, nakatalaan man makipag-ulay si Presidente Marcos sa nagkapirang ASEAN counterparts sa mga bilateral meeting sa sidelines kan pagtiripon.
Siringman, dae pa pigsapubliko kun siisay an mga lider na makakahampang kaini mantang pigpapakarhay pa an iskedyul kan mga pag-urulay.
