NAGA CITY – Pangapudan kan pamayuhan kan Barangay Dinaga Naga City na magin responsableng pet owners.
Sa entrevista kan Bombo Radyo Naga ki Hon. Nestor Africa Barangay Kapitan kan Dinaga, Naga City, sinaysay kaini na enot ng nagtao nin mga fliers asin house to house campaign an mga opisyal tanganing magheras nin impormasyon sa publiko na igakod an saindang mga ataman na ido huli ta mayong pasilidad an Barangay para sa mga mga ido na butas.
Alagad minsan an mga residentes madudunong asin dae man nagsusunod sa mga panundon kan gobierno.
Dae man nagkulang nin pagpapagirumdom an opisyal kan nasambitan ng Barangay asin nagkundusir man ini nin Rabies Vaccination bako sana para sa mga ido magin sa iba pang hayop.
Sa ngunyan mayo pa man pigpapautob na penalty huli ta dae pa aprobadu an implementasyon kaini.Alagad pagirumdom na sana kan opisyal na kun pupwede magin responsable sa mga ataman tanganing malikayan an pagkuriyat sa Barangay asin an disgrasya.
