Sarong mayor na Category 4 na an Bagyong Melissa na kun saen padagos na nagkukua nin kusog mantang nagpapasing sa Jamaica asin iba pang parte kan Caribbean kan nakalihis na Domingo, na kun sain an mga forecasters naghula nin pagbaha asin nag-inkaminar sa mga residente na maghanap na nin ebakwaran.
An bagyong Melissa nagresulta sa dae mababa sa apat na kagadanan sa Haiti asin Dominican Republic kan semana na ini, mantang an mga panluwas na banda nagdara nin makusog na uran asin pagrasay man nin daga.
An bagyo naghihirong maluya na boot sabihon an mga lugar sa dalan kaini makakaeksperyensiya man nin maluyang kamugtakan kan raot nin panahon.
Sa ibong na banda, An US National Hurricane Center (NHC) nagsabi na an Bagyong Melissa igwa nin pinakahalangkaw na duros na mga 145 miles (230 kilometros) kada oras — asin pagkusog sa pinakahalangkaw na Category 5 na bagyo.
Mga 40 pulgada (mga sarong metro) nin uran an pwedeng magibo sa mga parte kan Jamaica, Haiti, asin Dominican Republic, na nagpoprodyusir nin biglaang pagbaha asin dugang na pagrasay nin daga.
An Melissa sa presente naghihiro sa 5 miles kada oras. Sa huri, sarong 79-anyos na lalaki an nadiskubre na gadan sa Dominican Republic makalihis na madara sa sarong sapa, huli sa nasambitan ng bagyo.
Mantang sarong 13-anyos na lalaki an nairehistrong nawawara man. Sarong storm surge na mga 13 feet (4 metros) an piglalaoman sa southern coastline kan Jamaica, segun sa Meteorological Service kan Jamaica, asin mandatoryong pag-ebakwar an pinagsugo sa nagkapirang mga lugar sa baybayon kan isla-nasyon.
